फिल्म पढ्न चाहनेका लागि खुल्यो ‘एभरेष्ट फिल्म एकेडेमी’

नेपालमा चलचित्र सम्बन्धी अध्ययन गर्नका लागि एकेडेमीहरुको अभाव भैरहेको गुनासो आइरहेको पाइन्छ । चलचित्र क्षेत्रमा पढेर आउने मानिसहरुको अभाव भएको गुनासो भएपनि पढ्ने कहाँ भन्ने अन्यौलता छ । त्रिभुवन विश्वविद्यालयबाट मान्यता प्राप्त ‘ओस्कार फिल्म कलेज’ मात्र संचालनमा आएको पाइन्छ ।

13501770_1909397995953581_1982875726399972061_n

अब निजी स्तरबाट चलचित्र सम्बन्धी एकेडेमीको संचालनमा आएको छ । काठमाण्डौको मिनभवमा आजबाट ‘एभरेष्ट फिल्म एकेडेमी’ संचालनमा आएको छ । जसलाई सूचना तथा संचारमन्त्री शेरधन राइले उद्घाटन गरेका छन् ।

चलचित्र क्षेत्रका चर्चित हस्तीहरुको संलग्नतामा यो एकेडेमी संचालनमा आएको हो । जहाँ ‘निर्देशन, अभिनय, छायांकन र सम्पादन-भीएफएक्स’ पढाइनेछ ।
13419149_1906378242922223_9207925489034614111_n
कार्यक्रममा बोल्दै एकेडेमीका अध्यक्ष सुनिल थापाले एक बर्षमा दक्ष र गर्व गर्न लायक विद्यार्थी जन्माउने बताए । उनले शत प्रतिशत दक्ष विद्यार्थी यो एकेडेमीबाट चलचित्र क्षेत्रमा जाने बताए ।
everest film academy
यस्तै, एकेडेमीका सीइओ प्रकाश पुरीले आफूले चलचित्र क्षेत्रमा पढेर आएका मानिसहरुको अभाव भएकाले यो एकेडेमी संचालनको योजना बनाएको बताए । उनले ३ बर्ष लामो मिहिनेतपछि एकेडेमी संचालनमा आएको जानकारी दिए ।

निर्देशक उज्ज्वल घिमिरे डिरेक्टर रहेको यो एकेडेमीमा विश्व बस्नेत ‘फ्याकल्टी डिरेक्टर’को रुपमा छन् । यस्तै, ज्योत्सल राजभण्डारी प्रशासनिय निर्देशक र विशाल श्रेष्ठ मार्केटिङ निर्देशकको रुपमा आवद्ध छन् ।

‘निर्देशन विधामा’ लक्ष्मीनाथ शर्मा, उज्ज्वल घिमिरेको टिम छ । यस्तै, अभिनय विधामा विश्व बस्नेत, गौरी मल्ल, गंगाप्रसाद तिवारी, रेनशा राई, चन्द्र पन्त, टंक चौलागाईको टिम छ । छायांकनतर्फ प्रेम उपाध्याय र विश्नु कल्पीतले अध्यापन गराउनेछन् ।

दृश्य सम्पादनतर्फ भने रजनी पन्त, दशरथ गिरीको टिम छ । सल्लाहाकार टिममा गेहेन्द्र धिमाल, छविराज ओझा, मिथिला शर्मा, दीपिकराज गिरी र बाबुराम ढकालको टिम छ ।

एकेडेमीका सीइओ प्रकाश पुरीले आजबाट असार मसान्तसम्म ४ वटा बिषयका लागि भर्ना सुरु गरिएको बताए । उनका अनुसार यो क्षेत्रमा केही गरौ भन्ने चाहना बोकेका व्यक्तिहरुले कलेजमा भर्नाका लागि आवेदन दिन सक्नेछन् ।

१ बर्षभित्र कुनै एक विधामा दक्ष विद्यार्थी उत्पादन गर्ने लक्ष्य यो एकेडेमीले लिएको छ । कलेजमा सैद्धान्तिक भन्दा पनि व्यवहारिक शिक्षामा जोड दिइने भन्दै डिरेक्टर उज्ज्वल घिमिरेले भने-‘यसका लागि आवश्यक प्रविधी यो एकेडेमीमा उपलब्ध छ ।’

कार्यक्रममा चलचित्र विकास बोर्डका अध्यक्ष राजकुमार राई, विभिन्न संघसंस्थाका प्रतिनिधी, चलचित्रकर्मी र पत्रकारको बाक्लो उपस्थिती थियो ।

source – onlinekhabar

Leave a Reply

Your email address will not be published. Required fields are marked *